«сув таъминоти» тегли мақолалар
Тошкентнинг қатор туманларида ичимлик суви режали ўчирилади. Рўйхат
Тошкентнинг қатор туманларида 5 сентябрь-3 октябрь кунлари режали профилактика-таъмирлаш ишлари ўтказилиши сабабли ичимлик суви навбатма-навбат вақтинча ўчирилади. Ҳудудларга махсус техникаларда сув етказиб берилади. Рўйхат.
Йил якунигача сув таъминоти, йўл ва кўп қаватли уй-жой қурилиши бўйича 2 трлн сўмлик ишлар бажарилади
Президент 2024 йил охиригача 2 трлн сўмлик ишларни бажариш, жумладан, 570 минг гектарда сув таъминотини яхшилаш, 13 минг километр йўл, 195 та кўприкни фойдаланишга топшириш зарурлигини таъкидлади. Шунингдек, 2 мингдан ортиқ кўп қаватли уй барпо қилиш режалаштирилмоқда.
Фото: Юнусободнинг қувур ёрилиши оқибатида сувга тўлган ҳовлилари
Тошкентнинг Юнусобод туманидаги кўп қаватли уйларнинг ҳовли ва ертўлалари қувур ёрилиши оқибатида сувга тўлди. «Газета.uz» фотомухбири Евгений Сорочин ҳодиса жойида бўлиб, фоторепортаж тайёрлади.
Suez бош директори — Тошкент сув таъминоти тизимини модернизация қилиш ва Ўзбекистондаги лойиҳалар ҳақида
Франциянинг Suez компанияси етти йилда Тошкент сув таъминоти тизимидаги 30 мингга яқин сув сизиб чиқишини бартараф этишни режалаштирмоқда, деди компания бош директори Пол Бурдийон. Компания оқова сувларни қайта ишлаш ва саноат, қишлоқ хўжалиги, боғ ва паркларни суғоришда фойдаланишни таклиф этмоқда.
Ўзбекистоннинг бешта шаҳрида сув таъминоти хусусий секторга ўтказилади
2024 йил 1 июлдан Когон, Ширин, Янгиер, Бекобод ва Янгийўл шаҳарларида ичимлик суви таъминоти ва оқова тизимлари хусусий секторга ўтказилади. Сув таъминоти хизматлари учун тарифлар ишлаб чиқариш таннархига ва бошқа мажбурий тўловларга киритилган харажатлардан келиб чиққан ҳолда белгиланади.
Тошкентда сув таъминоти ходими тупроқ босиб қолиши оқибатида ҳалок бўлди
«Олмазор сув таъминоти» ходими носозликни бартараф этиш жараёнида тупроқ босиб қолиши оқибатида вафот этди. Ҳолат бўйича туман прокуратураси томонидан терговга қадар текширув ҳаракатлари олиб борилмоқда.
Бухорода сув таъминоти тикланди
Бухорода марказий магистралдаги носозлик туфайли бир кун аввал узилиб қолган сув таъминоти тўлиқ тикланди.
Бухорода сув таъминоти узилиб қолди
Бухорода марказий қувурда рўй берган носозлик туфайли сув таъминоти вақтинча тўхтаб қолди. Вилоят ҳокими таъмирлаш ишлари билан танишди.
«2 мингга яқин боғча, мактаб ва тиббиёт муассасалари ичимлик сувини ташиб келишга мажбур бўлмоқда» — президент
Шавкат Мирзиёев 1500 тадан ортиқ маҳаллада марказлашган ичимлик суви таминоти йўлга қўйилмагани, 2 мингга яқин боғча, мактаб ва тиббиёт муассасалари ичимлик сувини ташиб келишга мажбур бўлаётганини маълум қилди. Бунинг ечими сифатида келгуси 5 йилда соҳага 40 трлн сўм инвестиция йўналтирилиши ва ичимлик суви таъминоти 90 фоизга етказилиши айтилди. 2022 йилнинг ўзида бюджетдан 2 трлн сўм, халқаро молия ташкилотларидан эса 245 млн доллар жалб этилади.
Тошкентда ичимлик суви таъминоти 6 соат ичида тўлиқ тикланади (янгиланди)
Уй-жой коммунал хизмат кўрсатиш вазирлиги Тошкентда 6 соат ичида сув таъминоти тўлиқ тикланишини маълум қилди. Юнусобод, Мирзо Улуғбек, Учтепа, Шайхонтоҳур, Олмазор туманларига ва Чилонзор туманининг бир қисмига 3 соат ичида сув бериш тўлиқ тикланади.
Ўзбекистон бўйлаб электр энергияси ўчди — Live
Тахминан соат 11:00 ларда Ўзбекистоннинг айрим ҳудуларида, шу жумладан Тошкент шаҳри электр энергиясида узилиш содир бўлди. Ҳозирча мобил алоқа ишламоқда. «Газета.uz» манбалари Ўзбекистон энерготизимида йирик авария содир бўлганини маълум қилди.
Электр энергиядаги ўчишлар Тошкентда яна сув таъминоти узилишига сабаб бўлди
Пойтахтни сув билан таъминловчи «Қодирия» сув иншоотининг юқори кучланишли электр таъминотида носозлик юзага келиб, насос агрегатлари ўчиб қолган. Бунинг оқибатида шаҳарнинг айрим туманларида ичимлик суви таъминотида узилишлар кузатилмоқда.
Тошкентнинг айрим туманларида ичимлик суви таъминоти тўхтатилди
«Қодирия» бош сув иншоотидаги носозлик туфайли пойтахтнинг айрим туманларида ичимлик суви таъминотида узилишлар кузатилмоқда. Жумладан, авария оқибатида Мирзо Улуғбек туманидаги иккита қозонхонага совуқ сув келиши тўхтаган ва туман аҳолиси таъминотсиз қолган.
Сув таъминоти ва канализация тизимларига ноқонуний уланишлар давлат бюджетига 8,4 млрд сўм зарар етказган
Январь-август ойларида ичимлик суви таъминоти тармоқлари ва канализация тизимларига 2798 та ноқонуний уланиш ҳолатлари аниқланган. Мазкур қонунбузарликлар оқибатида давлат бюджетига жами 8,4 млрд сўмлик зарар етказилган. Тошкент шаҳрида сув таъминоти тармоқларига ноқонуний уланиш ҳамда қарздорлик туфайли тармоқдан узилиш ҳолатларининг 90 фоизи юридик шахслар ҳиссасига тўғри келади.
Ярим кунга сув таъминотидан узилган аҳолига махсус машиналарда ичимлик суви етказиш таклиф этилди
Қонунчилик палатаси томонидан ичимлик суви таъминотига оид қонун лойиҳаси кўриб чиқилди. Унга кўра, ҳар ойда камида бир марта ҳисоблагичлар ҳолатини ўрганиш, ичимлик суви таъминотида узилишлар давомийлиги 12 соатдан ошса аҳолини махсус машиналарда ичимлик суви билан таъминлаш ва тарифлар нархи ўзгариши ҳақида 15 кун олдин хабардор қилиш таклиф этилмоқда.
ЕТТБ Наманган вилоятида ичимлик суви таъминотини яхшилашга $70 млн ажратади
Европа тикланиш ва тараққиёт банки Наманган вилоятининг учта туманида сув таъминоти ва канализация инфратузилмасини қуриш учун 70 млн доллар миқдорида кредит ажратади.
Самарқанд ва вилоятнинг бир қатор туманлари сув таъминотида узилишлар кузатилмоқда
Ёғингарчиликларнинг йўқлиги ва Зарафшон дарёси ўзанида сув оқимининг камлиги сабабли Самарқанд ва вилоятнинг бир қатор туманлари сув таъминотида узилишлар кузатилмоқда.
«Мен бу ерга ҳақиқий масъулиятни ўз зиммамга олиш учун келдим» — президент
Шавкат Мирзиёев Сурхондарёни «иқтисодий берк» вилоят деб атаб, у ерда тадбиркорларга Тошкентда мавжуд имкониятлар сингари бир ҳил шароит яратиш кераклигини таъкидлади. Президент вилоятдаги асосий муаммо суғориш ва ичимлик суви таъминоти эканлигини қайд этди. «Мен ҳақиқий масъулиятни ўз зиммамга олиш учун келдим, бу қийин. Одамлар гаплардан чарчаган, уларга ҳақиқий лойиҳалар, пул, инфратузилма бериш керак», — деди у.
Тошкентнинг бир неча туманларида ичимлик суви ва иссиқ сув ўчирилади
25 майдан 27 майга қадар пойтахтнинг Яшнобод, Миробод, Бектемир ва Сергели туманларининг баъзи ҳудудларида сув таъминоти тўхтатилади. Янгихаёт туманида сув босими камаяди.
Ўзбекистон қишлоқ хўжалиги учун сув олиш лимитлари тасдиқланди
Ҳукумат қарорига асосан Қорақалпоғистон ва вилоятларда қишлоқ хўжалиги экинларини суғориш учун сув олиш лимитлари тасдиқланди. Унга кўра, республика бўйича март-сентябрь ойларида жами лимит 29 млрд 236 млн 500 минг куб этиб белгиланмоқда. Бундан ташқари, сув танқислигининг салбий таъсирларини юмшатиш бўйича махсус ишчи гуруҳ ҳам шакллантирилди.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг